ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელის ძალები ღაზის სექტორიდან ჯარებს არ გაიყვანენ, ვიდრე ჰამასი სრულად არ განიარაღდება.
ამის შესახებ The Guardian იუწყება.
ნეთანიაჰუმ მიანიშნა, რომ ისრაელსა და დონალდ ტრამპის ადმინისტრაციას შორის შესაძლოა უთანხმოება არსებობდეს დაჯგუფების განიარაღების შესახებ ახლახან გამოცხადებულ შეთანხმებასთან დაკავშირებით.
ნეთანიაჰუს განცხადებით, განიარაღება უნდა იყოს პირველი ნაბიჯი, ხოლო ისრაელის ძალები გააგრძელებენ „ყველაფრის გაკეთებას საკუთარი თავის, ტერიტორიისა და მოქალაქეების დასაცავად“.
„ტრამპის ადმინისტრაციამ გამოგვიგზავნა პროექტი. ჩვენ არ ვეთანხმებით მას. ეს ჩვენი პროექტი არ არის. ჩვენ გავაგზავნეთ ჩვენი კომენტარები“, - განაცხადა ისრაელის პრემიერმა.
„ეს არის ჩვენი პოზიცია. ჩვენ მტკიცედ ვიცავთ ჩვენს ინტერესებს. ვფიქრობ, ეს გონივრული და მტკიცე მიდგომაა“, - თქვა ნეთანიაჰუმ.
