უკრაინულმა დრონებმა მორიგი შეტევა განახორციელეს რუსული ონლაინგაყიდვების კომპანიის Wildberries-ის საწყობზე, ამჯერად პენზის ოლქსა და უდმურტიაში. ინფორმაციას კომპანია ადასტურებს.
სოციალურ ქსელში ვრცელდეა ცეცხლში გახვეული საწყობების ფოტო და ვიდეომასალები.
როგორც იუწყებიან, იწვის პენზის მახლობლად, სოფელ მასტინოვკასა და სარაპულში არსებული კომპანიის ლოგისტიკური ცენტრები.
Wildberries-მა განაცხადა, რომ საჰაერო თავდასხმის შესახებ განგაშის გამოცხადების შემდეგ ამ საწყობებიდან თანამშრომლების ევაკუაცია განახორციელა.
პენზასთან ახლოს საწყობზე თავდასხმის შედეგად ერთი ადამიანი დაშავდა. წინასწარი ინფორმაციით, სარაპულში თავდასხმას მსხვერპლი არ მოჰყოლია.
რუსეთის თავდაცვის სამინისტროს მტკიცებით, 30 ივლისის ღამეს, რუსეთის საჰაერო თავდაცვის ძალებმა რუსეთის რეგიონების, ანექსირებული ყირიმის, აზოვისა და შავი ზღვის თავზე 258 უკრაინული დრონი ჩაჭრეს და გაანადგურეს.
