უკრაინის პრეზიდენტი ვოლოდიმირ ზელენსკი აშშ-ში სამხედრო კომპანია Lockheed Martin-ის წარმომადგენლებს შეხვდა. ამის შესახებ ზელენსკი სოციალურ ქსელში წერს. კომპანია აწარმოებს ATACMS-ის რაკეტებს, HIMARS-ის სისტემებს, F-16-ის თვითმფრინავებსა და Patriot-ის სისტემებისთვის რაკეტებს.
„შევხვდი თავდაცვის კომპანია Lockheed Martin-ის გუნდს - შეერთებული შტატების ერთ-ერთ უძლიერეს საწარმოს, რომელთანაც ჩვენ უკვე დიდი ხანია ვთანამშრომლობთ. სწორედ Lockheed Martin აწარმოებს ATACMS-ს, HIMARS-ს, F-16-ს და Patriot-ის სისტემებისთვის რაკეტებს,“ - განაცხადა ზელენსკიმ.
პრეზიდენტის თქმით, შეხვედრაზე განიხილეს „თანამშრომლობის კიდევ უფრო აქტიური განვითარება, ერთობლივი წარმოება და ტექნოლოგიების გაცვლა“.
„უკრაინას აქვს ის, რისი გაზიარებაც შეუძლია მათთვის, ვინც ჩვენი სიცოცხლის დაცვაში გვეხმარება. ვისაუბრეთ ჩვენს ერთობლივ შესაძლებლობებზე Patriot-ისა და სხვა სისტემების მიმართულებით. ჩვენი გუნდები უკვე მუშაობენ კონკრეტულ გადაწყვეტილებებზე, რათა რაც შეიძლება სწრაფად გადავიდეთ ერთობლივ წარმოებაზე და გავზარდოთ სიცოცხლის დაცვის შესაძლებლობები“, - განაცხადა ზელენსკიმ.
