უკრაინის პრეზიდენტმა ვოლოდიმირ ზელენსკიმ დაადასტურა, რომ 27 ივლისის ღამეს უკრაინის თავდაცვის ძალებმა რუსეთის როსტოვის ოლქში ოკუპანტების საექსპორტო ტერმინალზე იერიში მიიტანეს. მისი თქმით, Deep Strike-ის დარტყმებმა ასევე მიაღწია ნავთობთან დაკავშირებულ ობიექტებს იაროსლავის ოლქსა და უდმურტეთის რესპუბლიკაში.
„ღამით ჩვენმა შორ მანძილზე მოქმედმა სანქციებმა როსტოვის რეგიონში იმუშავა. დაზიანდა საექსპორტო ტერმინალი, რომელიც ფრონტის ხაზიდან დაახლოებით 250 კილომეტრში მდებარეობს. ასევე განხორციელდა დარტყმები ნავთობის ობიექტებზე იაროსლავის ოლქსა და უდმურტეთის რესპუბლიკაში, რომლებიც უკრაინის სახელმწიფო საზღვრიდან 1300 კილომეტრის დაშორებით მდებარეობს.
შორეული დარტყმების გეგმა სრულდება და ჩვენ ვზღუდავთ რუსეთის შესაძლებლობას, დააფინანსოს ომი,“ - აცხადებს ზელენსკი.
