საქართველოს მენეჯმენტ კონსალტინგის ბაზრის ლიდერ კომპანია PMCG -სა და საქართველოში შაქრის გადამამუშავებელ ერთადერთ საწარმოს შპს "აგარის შაქრის კომპანია"-ს შორის თანამშრომლობის ხელშეკრულება უკვე გაფორმდა.

ხელშეკრულების თანახმად, PMCG -ის საერთაშორისო აუდიტორ-კონსულტანტები აგარის შაქრის საწარმოს: გაუწევენ კონსულტაციებს სურსათის უვნებლობის სისტემებთან (HACCP) დაკავშირებით;

თანამშრომლებს ჩაუტარებენ ტრენინგებს და მოამზადებენ სურსათის უვნებლობის ჯგუფს; დანერგავენ სურსათის უვნებლობის სისტემებს;

შეგახსენებთ, რომ "აგარის შაქრის კომპანია" დაარსდა 2010 წელს, ხოლო თავად ქარხანამ ფუნქიონირება დაიწყო 1932 წელს.  ამჟამად ქარხანაში დასაქმებულია 500-ზე მეტი თანამშრომელი.

იგი არის შაქრის გადამამუშავებელი ერთადერთი საწარმო საქართველოში და აწარმოებს მოქმედი სტანდარტების შესაბამის თეთრ შაქარს, საწარმო სერტიფიცირებულია ხარისხის მართვის საერთაშორისო სტანდარტით ISO 9001.