უკრაინის სამხედრო ძალებმა მოსკოვის რეგიონში მდებარე დუბნას კოსმოსური კომუნიკაციების ცენტრს მეორედ დაარტყეს, – ამის შესახებ უკრაინის პრეზიდენტი ვოლოდიმირ ზელენსკი აცხადებს.
„დღეს ჩვენმა შორ მანძილზე მოქმედმა „სანქციებმა“ რუსეთის წინააღმდეგ, მოსკოვის ოლქში მდებარე დუბნის კოსმოსური კავშირის ცენტრს კიდევ ერთხელ მიაღწია. ეს არის სპეციალური სატელიტური კავშირის ობიექტი, რომელსაც რუსეთი იყენებს, მათ შორის, სადაზვერვო მიზნებისთვის და უკრაინაში თავისი საოკუპაციო კონტინგენტის მოქმედებების კოორდინაციისთვის.
ეს ობიექტი ჩვენი სახელმწიფო საზღვრიდან 500 კილომეტრზე მეტი მანძილით არის დაშორებული. ბოლო პერიოდში უკრაინის თავდაცვის ძალებმა უკვე მიაღწიეს რუსეთის კიდევ ოთხ ასეთ ცენტრს - არა მხოლოდ მოსკოვის, არამედ ვლადიმირის ოლქშიც. ნაბიჯ-ნაბიჯ ვახორციელებთ ჩვენი შორი მოქმედების „სანქციების“ გეგმას და აგრესორ სახელმწიფოს მაქსიმალურად ვურთულებთ უკრაინის წინააღმდეგ საოკუპაციო ოპერაციების ჩატარებასა და ჩვენი ტერიტორიების ოკუპაციას. შესაბამისი ქმედებები ასევე მზადდება სხვა მსგავსი ობიექტების წინააღმდეგ. მადლობას ვუხდი ჩვენს მეომრებს სიზუსტისთვის. დიდება უკრაინას“, - წერს ზელენსკი X-ზე.
