აშშ-ის სენატმა მიიღო კანონპროექტი, რომელიც ირანთან მიმართებით დონალდ ტრამპის სამხედრო უფლებამოსილებას ზღუდავს. იუწყება CNN.
ინიციატივას 50 სენატორმა დაუჭირა მხარი, 48 კი წინააღმდეგ წავიდა.
დემოკრატები რამდენიმე კვირის განმავლობაში ცდილობდნენ რესპუბლიკელების მხარდაჭერის მოპოვებას, რამაც თეთრ სახლში უკმაყოფილება გამოიწვია.
რეზოლუცია ე.წ. შეთანხმებული დოკუმენტია, ამიტომ პრეზიდენტის ხელმოწერას არ საჭიროებს. თუმცა, წარმომადგენელთა პალატის დემოკრატები მიიჩნევენ, რომ მას სავალდებულო ხასიათი აქვს.
დონალდ ტრამპის ადმინისტრაციაში კენჭისყრის შედეგს მნიშვნელობას არ ანიჭებენ და აცხადებენ, რომ რეზოლუციის მიღება მხოლოდ იმით გახდა შესაძლებელი, რომ სხდომას რამდენიმე რესპუბლიკელი არ ესწრებოდა.
თეთრი სახლი აცხადებს, რომ ეს ინიციატივა არაკონსტიტუციურია. იურისტები აღნიშნავენ, რომ საკითხი სამართლებრივად სადავოა და შესაძლოა, საბოლოოდ სასამართლოში გადაწყდეს.
თეთრი სახლის განცხადებით, ამერიკული სამხედრო ძალების გამოსაყვანად საბრძოლო მოქმედებების ზონა აღარ არსებობს, რადგან, მათი თქმით, ბრძოლები 7 აპრილს გამოცხადებული ცეცხლის შეწყვეტის შემდეგ დასრულდა.
