გაზეთ "Financial Times"-ისათვის მიცემულ ინტერვიუში მულტიმილიარდერი ჯორჯ სოროსი საუბრობს იმაზე, თუ როგორ აპირებს დოლარის შესუსტებას და ჩინეთის გაძლიერებას. ამას გარდა, სოროსი ასევე აცხადებს ახალი მსოფლიო ვალუტის შემოღების შესახებ, რომელიც იქნება პროლოგი მსოფლიო ცენტრალური ბანკის შექმნისათვის საერთაშორისო სავალუტო ფინდის საფუძველზე.
"ვფიქრობ, ახლა ყველაზე კარგი დროა - ჩვენ მართლაც გვჭირდება ჩინეთის მონაწილეობით ახალი მსოფლიო წესრიგისა და ახალი ფინანსური მსოფლიო წესრიგის დამყარება. ჩინეთმა უფრო აქტიური მონაწილეობა უნდა მიიღოს ახალი მსოფლიო წესრიგის დამყარებაში. მიმაჩნია, რომ ისინი უკვე შევიდნენ ამ პროცესში, ისინი დიდი ოცეულის შემადგენლობაში არიან და ეფექტურად მიიწევენ წინ ამ მიმართულებით", _ აცხადებს სოროსი და დასძენს, რომ ადამიანებს, რომლებიც დოლარის ბედით შეწუხებულნი არიან, ამის საფუძველი მათ ნამდვილად აქვთ.
"დოლარი - ძალიან სუსტი ვალუტაა. დღეს ეს საერთო მდგომარეობაა - ვალუტისადმი უნდობლობა. ისინი გაურბიან სავალუტო შენატანებს, თუმცა რეალურ აქტივებში დაბანდებას ჩინელები აგრძელებენ", _ აცხადებს სოროსი და აღნიშნავს, რომ "ვერ ხედავს იმას, თუ რამდენად შორს შეიძლება წავიდეს დოლარის ვარდნა" თუმცა დარწმუნებულია იმაში, რომ ვალუტასთან დაკავშირებით ახალი პოლიტიკის შემუშავებაა აუცილებელი.
"დარწმუნებული ვარ, რომ ძირითადი სისტემა გატეხილია და მისი რეკონსტრუქციაა საჭირო. ჩვენ ძალიან ძვირად გვიჯდება ვალუტის ქრონიკული შესწორებები საერთაშორისო ფინანსურ საქმეებში. ჩვენ გვჭირდება ახალი სავალუტო სისტემა განსაკუთრებით კი სესხის ახალი წესები. ამერიკის მხრიდან, არასწორი იქნება შეეწინააღმდეგოს სესხის ახალი წესების ფართო გამოყენებას", _ აცხადებს სოროსი.
მისივე თქმით, სულაც არ არის აუცილებელი დოლარი მსოფლიო ვალუტის "სული იყოს", ვინაიდან მსოფლიო ეკონომიკა იზრდება და იგი დამატებით ვალუტას საჭიროებს.
"ხოლო თუკი დოლარი არიდ კიდეც ეს დამატებითი ვალუტა, ეს იმას ნიშნავს, რომ აშშ-ს აქვს მუდმივი სავალუტო დეფიციტი და ეს არასწორია. ამიტომაც ჩვენს ინტერესებშია ამ სისტემის რეფორმირება მოვახდინოთ. მიმაჩნია რომ ეს ჯანსაღი თუმცა კი მტკივნეული ცვლილებაა, რომელიც მსოფლიომ უნდა გაიაროს", _ აცხადებს ჯორჯ სოროსი.
