აშშ-ის პრეზიდენტმა, დონალდ ტრამპმა განაცხადა, რომ ირანის ხელისუფლებამ აშშ-თან კრიზისის დარეგულირების შესახებ მოლაპარაკებები ზედმეტად გააჭიანურა და ახლა ეს ძვირად დაუჯდებათ.
მისი თქმით, ირანი ბევრს საუბრობს, მაგრამ არ მოქმედებს.
„ახლო აღმოსავლეთის მჩაგვრელი მკვდარია. მათ შეთანხმების მისაღწევად მოლაპარაკებებისთვის ძალიან დიდი დრო დასჭირდათ, შეთანხმების, რომელიც მათთვის შესანიშნავი იქნებოდა, ახლა ეს ძვირად დაუჯდებათ“, - აწერა ტრამპმა სოციალურ ქსელ Truth Social-ში.
ამასთან, ტრამპმა განაცხადა, რომ ირანის შეიარაღებული ძალები მძიმე მდგომარეობაში არიან და რომ ირანის სამხედრო-საზღვაო და სამხედრო-საჰაერო ძალები სრულად განადგურებულია.
„ირანის არმია სრულად ჩამოშლილია. მისი დიდი ნაწილი, მათ შორის, საზღვაო და საჰაერო ძალები, აღარც კი არსებობს. ისინი სრულად განადგურდნენ“, - თქვა ტრამპმა.
