უკრაინამ რუსეთის ქალაქ იაროსლავლზე დრონებით იერიში მიიტანა.
„დღეს გამთენიისას ჩვენი რეგიონი მასშტაბურ მტრის დრონების შეტევას დაექვემდებარა. დრონების უმეტესობა ჩამოაგდეს, თუმცა მოხდა დარტყმა სამრეწველო ობიექტზე. ხანძარს სპეციალური სამსახურები აქრობენ. დაშავებულები არ არიან“, - განაცხადა იაროსლავის ოლქის გუბერნატორმა მიხაილ ევრეევმა.
მისი განცხადებიდან ირკვევა, რომ აღდგენილია ტრანსპორტის მოძრაობა იაროსლავიდან მოსკოვის მიმართულებით გასასვლელზე, რომლის დახურვაზეც მან ადრე განაცხადა.
ევრეევმა არ დააკონკრეტა, რომელ სამრეწველო ობიექტზე მოხდა დარტყმა.
უკრაინას შეტევაზე კომენტარი არ გაუკეთებია.
8 მაისს უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის შეიარაღებულმა ძალებმა იაროსლავში ნავთობის ობიექტზე მიიტანეს იერიში. მედიის ცნობით, დარტყმა კვლავ იაროსლავის ნავთობგადამამუშავებელ ქარხანაზე განხორციელდა. გუბერნატორმა მაშინაც განაცხადა „სამრეწველო ობიექტზე დარტყმის“ შესახებ.
