ევროზონაში 500 მლრდ. ევროს მოცულობის, დახმარების მუდმივი რეგიონალური ფონდი იქმნება, შესაბამის შეთანხმებას ევროზონაში შემავალი სახელმწიფოების ფინანსთა მინისტრებმა მიაღწიეს. ვროპის სტაბულორობის მექანიზმი (ESM), ამჟამად მოქმედ ევროპის ფინანსური სტაბილურობის ფონდს (EFSF) შეცვლის, რომელიც 2010 წელს ევროზონის წევრი სახელმწიფოების დახმარების მიზნით შექმნა. ახალი მექანიზმი გახდება, "კომპლექსური ღონისძიებების პაკეტის" ნაწილი, რომელსაც ევროპის ლიდერები სავარაუდოდ მარტის ბოლოსთვის შეათანხმებენ, რათა გადაწყვიტონ ევროზონაში ვალების კრიზისის პრობლემა.
ევროჯგუფის პრეზიდენტის ჟან პოლ იუნკერის განცხადებით, ESM-ს მოცულობა რეგულარულად იქნება გადახედილი. "მინდა განვაცხადო, რომ EFSF და ESM არ წარმოადგენენ საერთო შეთანხმების საგანს, ვიდრე ჩვენ არ შევთანხმდებით სხვა დანარჩენ საკითხებზე"- განაცხადა იუნკერმა.
სავარაუდოდ ფონდის დაფინანსების წყარო ევროზონის წევრი სახელმწიფოების გარდა სსფ-იც იქნება. შესაძლებელია, რომ მასში წვლილი შეიტანონ ევროკავშირის წევრმა სახელმწიფოებმაც, რომლებიც ამჟამად ევროზონაში არ შედიან.
შეგახსენებთ, რომ იმთავითვე გათვალისწინებული იყო EFSF მოქმედება 2013 წლისთვის დაესრულებინა. ნომინალურად ფონდში 440 მლრდ. ევროა, რეალურად კი აღნიშნული თანხიდან მხოლოდ 250 მლრდ-ს სესხის გაცემა შეიძლება, რათა არ მოხდეს კრედიტების ღირებულების ზრდა.