მსოფლიო ვერ დაელოდება ‘აღლუმებსა’ და ‘ზეიმებს’. თუ მოსკოვი მზად არის სამხედრო მოქმედებების შეწყვეტისთვის, მას შეუძლია ეს უკვე ხვალ საღამოდან გააკეთოს, - ამის შესახებ უკრაინის საგარეო საქმეთა მინისტრი, ანდრიი სიბიჰა სოციალურ ქსელში წერს.
"მსოფლიო ვერ დაელოდება ‘აღლუმებსა’ და ‘ზეიმებს’. თუ მოსკოვი მზად არის სამხედრო მოქმედებების შეწყვეტისთვის, მას შეუძლია ეს უკვე ხვალ საღამოდან გააკეთოს. უკრაინა მზად არის - 5-დან 6 მაისის ღამით, 00:00 საათზე. ეს არის სერიოზული წინადადება ომის შეწყვეტისა და დიპლომატიაზე გადასასვლელად“, - წერს სიბიჰა.
სიბიჰამ ასევე მოუწოდა უკრაინის პარტნიორებს და საერთაშორისო ორგანიზაციებს, მხარი დაუჭირონ მოწოდებას სამხედრო მოქმედებების შეწყვეტის შესახებ.
„6 მაისი აჩვენებს, რამდენად სერიოზულად არის განწყობილი მოსკოვი და სინამდვილეში რა სურს მას - მშვიდობა თუ სამხედრო აღლუმები,“ - აღნიშნა უკრაინის საგარეო საქმეთა მინისტრმა.
ცნობისათვის, რუსეთის თავდაცვის სამინისტრომ მეორე მსოფლიო ომში გამარჯვების დღის აღსანიშნავად ცეცხლის შეწყვეტა 8-9 მაისს გამოაცხადა.
პასუხად, უკრაინის პრეზიდენტმა, ვოლოდიმირ ზელენსკიმ ცეცხლის შეწყვეტის რეჟიმი 5-6 მაისის ღამის 00:00 საათიდან გამოაცხადა.
