მარცვლეულის პარტია, რომელიც უკრაინის განცხადებით რუსეთმა მოიპარა, ისრაელში არ გადმოიტვირთება, განუცხადა ისრაელის ერთ-ერთმა ოფიციალურმა პირმა გამოცემას The Times of Israel.
ამ ტვირთმა ბოლო დღეებში ისრაელსა და უკრაინას შორის მწვავე სიტყვიერი დაპირისპირება გამოიწვია. უკრაინის საგარეო საქმეთა მინისტრმა ანდრიი სიბიჰა განაცხადა, რომ კიევი გაატარებს ზომებს რუსეთის ჩრდილოვანი ფლოტის“ მხარდამჭერების წინააღმდეგ.
„ვაფრთხილებთ ყველა სტრუქტურასა და სახელმწიფოს, რომ მკაცრად ვუპასუხებთ ჩვენი მარცვლეულის ნებისმიერი ფორმით მოპარვას,“ - თქვა მან.
შეგახსენებთ, 27 აპრილს უკრაინის საგარეო საქმეთა მინისტრმა, ანდრეი სიბიგამ სოციალურ ქსელში დაწერა, რომ ისრაელის ქალაქ ჰაიფას პორტში შევიდა გემი, რომელიც უკრაინის ოკუპირებული ტერიტორიებიდან მოპარული მარცვლეულით იყო დატვირთული. ამასთან დაკავშირებით უკრაინის საგარეო უწყებაში ისრაელის ელჩი დაიბარეს.
ისრაელის საგარეო საქმეთა მინისტრის, გიდეონ საარის განცხადებით, ბრალდება არ წარმოადგენს მტკიცებულებას და ისრაელს არ წარედგინა შესაბამისი მტკიცებულებები.
