ერთად შევცვალეთ ორბანის რეჟიმი, ერთად გავათავისუფლეთ უნგრეთი. ჩვენ დავიბრუნეთ ჩვენი ქვეყანა, - ამის შესახებ უნგრეთის ოპოზიციური პარტია „ტისას“ ლიდერმა პიტერ მადიარმა განაცხადა, როდესაც გამარჯვების მიტინგზე თავის მხარდამჭერებს მიმართა.
"ჩემო თანამემამულე უნგრელებო, ჩვენ ეს შევძელით! „ტისამ“ და უნგრეთმა არჩევნები მოიგეს. არა მცირე, არამედ ძალიან დიდი უპირატესობით. ერთად შევცვალეთ ორბანის რეჟიმი, ერთად გავათავისუფლეთ უნგრეთი. დავიბრუნეთ ჩვენი ქვეყანა. გმადლობთ. ამის მიღწევა თქვენს გარეშე შეუძლებელი იქნებოდა“, - აღნიშნა მადიარმა.
მისი თქმით, "ტისას" პარლამენტში უმრავლესობა ექნება.
მაგიარის პარტიას უპრეცედენტოდ ძლიერი მანდატი აქვს. ის ჰპირდება გარდამავალ პროცესი განახორციელოს „რაც შეიძლება ეფექტურად, მშვიდობიანად და შეუფერხებლად“.
ბევრი წლის შემდეგ პირველად ქვეყანაში იცვლება ხელისუფლება და საერთო პოლიტიკური კურსი - რუსეთის მიმართ ლოიალური, მემარჯვენე და ანტიევროპული მიმართულებიდან პროევროპულ კურსზე.
დემოკრატიული გარდაქმნები ქვეყანას საშუალებას მისცემს მიიღოს დაახლოებით 18 მილიარდი ევრო ევროკავშირისგან, რაც უნგრეთის მთლიანი შიდა პროდუქტის მნიშვნელოვანი ნაწილია.
ოპოზიციური პარტია "ტისა" ხმების 93.4%-ის დათვლის შემდეგ 199 მანდატიდან 138 მანდატს მიიღებს.
