ახლო აღმოსავლეთში ხუთკვირიანი ომის შემდეგ ნათელია, რომ კონფლიქტის ძირეული მიზეზების მოგვარება მხოლოდ დიპლომატიური გზით არის შესაძლებელი,- ამის შესახებ ევროპული საბჭოს პრეზიდენტი ანტონიო კოშტა სოციალურ ქსელში წერს.
მისი თქმით, ევროკავშირი მოუწოდებს ირანს, რეგიონის ქვეყნების წინააღმდეგ თავდასხმები დაუყოვნებლივ შეწყვიტოს.
"სამოქალაქო ინფრასტრუქტურის, კერძოდ, ენერგეტიკული ობიექტების ნებისმიერი მიზანში ამოღება უკანონო და მიუღებელია. ეს ეხება რუსეთის ომს უკრაინაში და ყველგან ვრცელდება. ირანის მშვიდობიანი მოსახლეობა ირანის რეჟიმის მთავარი მსხვერპლია. ის ასევე იქნება სამხედრო კამპანიის გაფართოების მთავარი მსხვერპლი.
როგორც ირანის პრეზიდენტთან, მასუდ ფეზეშქიანთან ბოლო სატელეფონო საუბრისას აღვნიშნე, ევროკავშირი მოუწოდებს ირანს, დაუყოვნებლივ შეწყვიტოს თავდასხმები რეგიონის ქვეყნებზე და უზრუნველყოს ჰორმუზის სრუტეში ნავიგაციის სრული თავისუფლების აღდგენა.
ესკალაციით ვერ მიიღწევა ცეცხლის შეწყვეტა და მშვიდობა. მხოლოდ მოლაპარაკებები, კერძოდ, რეგიონალური პარტნიორების მიერ ხელმძღვანელობით მიმდინარე ძალისხმევით მიიღწევა,“ – წერს ანტონიო კოშტა.
