დსთ-ის ფარგლებში თავისუფალი სავაჭრო ზონის ხელშეკრულების ხელმოწერა აპრილში იგეგმება. ამის შესახებ საბაჟო კავშირის პასუხისმგებელმა მდივანმა სერგეი გლაზევმა განაცხადა.
"ვიმედოვნებთ, რომ მიმდინარე წლის 15 აპრილს იალტაში ხელი მოეწერება ხელშეკრულებას დსთ-ში თავისუფალი ვაჭრობის ზონის შესახებ, რაც საბოლოოდ საბაჟო კავშირის ფარგლებში სავაჭრო ურთიერთობების უნიფიცირებას მოახდენს", - განაცხადა გლაზევმა უკრაინა-რუსეთის ფორუმზე.
გლაზევმა აღნიშნა, რომ 2010 წლის 1-ლი ივლისიდან ბელორუსში, ყაზახეთსა და რუსეთში ერთიანი საბაჟო სივრცე მოქმედებს.
"ტვირთბრუნვა ბოლო ნახევარი წლის განმავლობაში მესამედით გაიზარდა. ჩვენი გათვლებით, ეს მაჩვენებელი ათწლიან პერსპექტივაში თითოეული წევრი სახელმწიფოსთვის მშპ-ს 1/3 იქნება", - აცხადებს გლაზევი.
იგი აღნიშნავს, რომ ამ ეტაპზე განხილება საბაჟო კავშირში ყირგიზეთსა და ტაჯიკეთის გაწევრიანების საკითხი.
