ფინეთის თავდაცვის მინისტრმა ანტი ჰაკანენმა განაცხადა, რომ მისი ქვეყანა გადაამოწმებს, რეალურად მივიდა თუ არა უკრაინის არმიისთვის ნატო-ს ქვეყნების მიერ დაფინანსებული იარაღი დანიშნულების ადგილამდე. ამის შესახებ Euronews იუწყება.
ჰაკანენმა აღნიშნა, რომ ჰელსინკი გადაამოწმებს, ასრულებს თუ არა ვაშინგტონი იმ კონტრაქტებს, რომლებიც ხელმოწერილია ნატო-ს ევროპულ წევრ სახელმწიფოებთან, რომლებმაც უკრაინისთვის იარაღი ამერიკელი სამხედრო კონტრაქტორებისგან შეიძინეს.
„ის, რაც უკრაინისთვის არის დაპირებული, უკრაინამდე უნდა მივიდეს“, - თქვა მან.
კითხვა გაჩნდა Washington Post-ის ინფორმაციის შემდეგ, რომ პენტაგონი განიხილავს უკრაინის შეიარაღებული ძალებისთვის განკუთვნილი მნიშვნელოვანი სამხედრო აღჭურვილობის ირანთან ომში გადამისამართებას.
" „ჩვენ მუდმივად ვაფასებთ, თუ როგორ იხარჯება თანხები და გვჯერა, რომ მექანიზმი მუშაობს. რა თქმა უნდა, თუ პრობლემები წარმოიქმნება, ხელახლა მოგვიწევს განხილვა“, - განაცხადა ჰაკანენმა.
აშშ-ის სახელმწიფო მდივანმა მარკო რუბიომ 28 მარტს განაცხადა, რომ შეერთებული შტატებს ნატო-ს ქვეყნების მიერ უკრაინისთვის შეძენილი იარაღი ახლო აღმოსავლეთში არ გაუგზავნია, თუმცა ამის შესაძლებლობა არ გამორიცხა.
