რუსეთის მთავრობა 1-ლი აპრილიდან ბენზინის ექსპორტის აკრძალვას გეგმავს. ინფორმაციას რუსული მედია ავრცელებს.
მთავრობის პრესსამსახურის განცხადებით, აკრძალვის მიზანია „ბენზინის ფასების სტაბილიზაცია და შიდა ბაზრისთვის პრიორიტეტული მიწოდების უზრუნველყოფა“.
ამავე დროს, რუსეთის ენრგეტიკის სამინისტრო ირწმუნება, რომ ქვეყანაში ნავთობგადამუშავების მოცულობები 2025 წლის მარტის დონეზე რჩება, რაც უზრუნველყოფს შიდა ბაზარზე ნავთობპროდუქტების სტაბილურ მიწოდებას.
„გაზპრომ ნეფტის“ აღმასრულებელი დირექტორის ალექსანდ დიუკოვის განცხადებით, რუსეთიდან ბენზინის ექსპორტის აკრძალვა „აუცილებელია“ აშშ-სა და ისრაელის ირანის წინააღმდეგ ომის შედეგების გათვალისწინებით.
რუსეთს ბენზინის ექსპორტზე აკრძალვა მანამდეც დაუწესებია - ქვეყნის ხელისუფლებამ მსგავსი შეზღუდვები არაერთხელ დააწესა რუსეთის მიერ უკრაინაში სრულმასშტაბიანი შეჭრისა და რუსულ ნავთობგადამამუშავებელ ქარხნებზე თავდასხმების დაწყების შემდეგ. რუსეთიდან ბენზინის ექსპორტზე ბოლო შეზღუდვები 2026 წლის იანვრის ბოლოს მოიხსნა.
