პრეზიდენტობანასა და პრემიერ-მინისტრობანას თამაშის შემდეგ ალბათ სახლობანაზე გადავლენ, კიდევ მოიგონებენ რაღაც თამაშებს, რათა თავი გაიმხნეონ, ერთ მუჭა მხარდამჭერებსა და დავალების მიმცემებს, ვინც ქვეყნის ფარგლებს გარეთ ჰყავთ გზავნილი გაუგზავნონ, – ამის შესახებ „ქართული ოცნების“ წევრმა, დავით მათიკაშვილმა განაცხადა.
„ნამდვილად არ იქნება სიახლე ჩვენი საზოგადოებისთვის თუ ვიტყვი, რომ „ნაციონალური მოძრაობა“ და რაღაც ალიანსები, რომელსაც ქმნიან, პრინციპში არის „ერთიანი ნაციონალური მოძრაობის“ დღევანდელი სახე. ცხადზე ცხადია, რომ მათი ნებისმიერი ნაბიჯი გაიზომება საზოგადოების მხრიდან ნდობით. ნდობა მათ არ გააჩნიათ, ამიტომ გააგრძელონ სახლობანას თამაში. მაგაში ჩვენ ხელს ნამდვილად ვერ შევუშლით“, – განაცხადა მათიკაშვილმა.
