სს „კაუკაზუს ენერჯი ენდ ინფრასთრაქჩა" (CEI, GSE: NRGY) აცხადებს, რომ დაიწყო გადამგდები არხის მშენებლობა ჰიდროელექტროსადგურის სამშენებლო მოედნის ზემო ნაწილზე.
220 მეტრი სიგრძის გადამგდები არხი მშენებლობის პერიოდში მდინარეს შეუცვლის კალაპოტს, რათა კაშხალის მშენებლობა განხორციელდეს მშრალ გრუნტზე.
არხის მშენებლობა მიმდინარეობს კოფერდამის და გამათანაბრებელი რეზერვუარის მშენებლობასთან ერთად.
ასევე, გრძელდება ინფასტრუქტურული სამუშაოები ჰიდროელექტროსადგურის ზემო ნაწილზე.
„მოხარული ვართ, რომ დაიწყო გადამგდები არხის მშენებლობა. არხის და კოფერდამის მშენებლობის დამთავრებისთანავე სადგურის ზემო ნაწილზე დავიწყებთ დარჩენილი ნაგებობების კაშხალისა და წყალსაშვის მშენებლობას",-განაცხადა CEI-ს გენერალურმა დირექტორმა არჩილ მამათელაშვილმა.
სს „კაუკაზუს ენერჯი ენდ ინფრასთრაქჩა" CEI) წარმოადგენს სააქციო საზოგადოებას, რომელიც შექმნილია საქართველოს მოქმედი კანონმდებლობის თანახმად. წესდების მიხედვით CEI-ს შეუძლია განახორციელოს ინვესტირება ტრანსკავკასიურ კომპანიებში, რომელთა საქმიანობის ძირითად სფეროს წარმოადგენს ელექტროენერგიის და ბუნებრივი აირის წარმოება. ამჟამად, CEI-ი აშენებს ახალციხის რაიონში, მდინარე მტკვარზე (თურქეთის საზღვართან) 46.4 მვ სიმძლავრის
ჰიდროელექტრო სადგურს.
