საქართველო აშშ-ში ქართული ადგილწარმოშობის ღვინოების რეგისტრაციას იწყებს.
როგორც დღეს მთავრობის სხდომის დაწყებამდე "საქპატენტის" ხელმძღვანელმა ირაკლი ღვალაძემ განაცხადა, მნიშვნელოვანია, რომ ამერიკაში ქართული ღვინოების რეგისტრაცია მოხდეს ისე, როგორც ეს მოხდა ევროკავშირთან მიმართებაში.
"ამერიკასთან ვიწყებთ ქართული ადგილწარმოშობის ღვონოების დარეგისტრირების პროცესს. საუბარია რეგისტრაციაზე 18 დასახელების ღვინისა, რომელიც ევროკავშირთან მოწერილი ხელშეკრულებით ევროკავშირში უკვე დარეგისტრირებულია. შესაბამისად აშშ-ში უნდა მოხდეს ამ ღვინოების დარეგისტრირება, რაც ნიშნავს იმას, რომ ქართული ღვინოების ისეთი ცნობილი დასახელება, როგორიც არის ქინძმარაული და ხვანჭკარა, ამერიკის ბაზარზე მაქსიმალურად იქნება დაცული", - განაცხადა ირაკლი ღვალაძემ.
