უკრაინის პრეზიდენტი ვოლოდიმირ ზელენსკი ესპანეთში 18 მარტს ჩავიდა, სადაც თავდაცვის კომპანია Sener Aerospace&Defense-ს ეწვია.
უკრაინული მედიის ცნობით, ქარხანაში ზელენსკი აღჭურვილობის ნიმუშებსა და საწარმოო ობიექტებო დაათვალიერა. მხარეები ასევე გეგმავენ უკრაინა-ესპანეთის თავდაცვის შესახებ შეთანხმებების ხელმოწერას.
ზელენსკი ესპანეთის პრემიერ-მინისტრ პედრო სანჩესს შეხვდება. შეხვედრის შემდეგ, ლიდერების თანდასწრებით ორმხრივი დოკუმენტების ხელმოწერა გაიმართება, რასაც პრესკონფერენცია მოჰყვება.
მოგვიანებით, ზელენსკი დეპუტატთა კონგრესის პრეზიდენტს, ფრანსინა არმენგოლს და სენატის პრეზიდენტს, პედრო როლანს შეხვდება.
ვიზიტის ფარგლებში დაგეგმილია შეხვედრა ესპანეთის მეფე ფილიპე VI-სთან.
