პოლიტიკური პარტია "ძლიერი საქართველო - ლელო" ღრმა მწუხარებას გამოთქვამს საქართველოს კათოლიკოს-პატრიარქის, უწმინდესისა და უნეტარესის ილია მეორის გარდაცვალების გამო და გულწრფელ სამძიმარს უცხადებს საქართველოს მართლმადიდებელ ეკლესიას, მის მრევლს და სრულიად მართლმადიდებლურ სამყაროს. ამის შესახებ კოალიციის მიერ გავრცელებულ განცხადებაშია ნათქვამი.
“ძლიერი საქართველო - ლელო” უსამძიმრებს საქართველოს მართლმადიდებლურ ეკლესიასა და მის მრევლს პატრიარქის გარდაცვალებას.
“ილია მეორე იყო ეპოქალური სულიერი ლიდერი, რომლის მსახურება მრავალი ათწლეულის განმავლობაში განსაკუთრებულად უკავშირდებოდა საქართველოს უახლეს ისტორიას. ქვეყნისთვის ყველაზე რთულ პერიოდებში მისი სიტყვა და პირადი მაგალითი ქვეყნისთვის და მრავალი ადამიანისათვის იყო სიმშვიდის, იმედისა და სულიერი ერთობის წყარო.
საქართველოს საზოგადოება დღეს ემშვიდობება ადამიანს, რომლის სახელი და ღვაწლი სამუდამოდ დარჩება ჩვენი ქვეყნის სულიერ და ისტორიულ მეხსიერებაში.
ვუსამძიმრებთ საქართველოს მართლმადიდებელ ეკლესიას, მის მრევლს და თითოეულ მოქალაქეს ამ მძიმე ტკივილს...”, - ნათქვამია კოალიციის მიერ გავრცელებულ განცხადებაში.
