ნატო-ს მოკავშირეების უმრავლესობამ გვაცნობა, რომ არ სურთ ირანის ტერორისტული რეჟიმის წინააღმდეგ ჩვენს სამხედრო ოპერაციაში ჩართვა, არავის დახმარება არ გვჭირდება, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„ნატო-ს მოკავშირეთა უმეტესობამ გვაცნობა, რომ არ სურთ ჩვენს სამხედრო ოპერაციაში ჩართვა ახლო აღმოსავლეთში ირანის ტერორისტული რეჟიმის წინააღმდეგ, მიუხედავად იმისა, რომ თითქმის ყველა ქვეყანა მტკიცედ უჭერს მხარს ჩვენს ქმედებებს“, – წერს ტრამპი.
ტრამპი თქმით, ირანის ლიდერები აღარასდროს დაემუქრებიან აშშ-ს, ახლო აღმოსავლეთში შტატების მოკავშირეებს ან მსოფლიოს.
„ნატო-ს მოკავშირეთა უმეტესობამ გვაცნობა, რომ არ სურთ ჩვენს სამხედრო ოპერაციაში ჩართვა ახლო აღმოსავლეთში ირანის ტერორისტული რეჟიმის წინააღმდეგ, მიუხედავად იმისა, რომ თითქმის ყველა ქვეყანა მტკიცედ უჭერს მხარს ჩვენს ქმედებებს. ირანს არანაირად რამე ფორმით არ უნდა შეეძლოს ბირთვული იარაღის ქონა.მათი ქმედება არ მიკვირს, რადგან ყოველთვის მიმაჩნდა, რომ ნატო ცალმხრივი ქუჩაა — ამ ქვეყნების დასაცავად წელიწადში ასობით მილიარდ დოლარს ვხარჯავთ, მაგრამ ისინი ჩვენთვის არაფერს აკეთებენ, განსაკუთრებით საჭიროების დროს. საბედნიეროდ, ირანის შეიარაღებული ძალები გავანადგურეთ - მათი საზღვაო ძალები აღარ არსებობს, საჰაერო ძალები აღარ არსებობს, მათი საჰაერო თავდაცვა და რადარები აღარ არსებობს და, რაც სავარაუდოდ, ყველაზე მნიშვნელოვანია, მათი ლიდერები თითქმის ყველა დონეზე აღარ არსებობენ, აღარასდროს დაგვემუქრებიან ჩვენ, ახლო აღმოსავლეთში ჩვენს მოკავშირეებს ან მსოფლიოს! იმ ფაქტიდან გამომდინარე, რომ ასეთი სამხედრო წარმატება გვქონდა, აღარ “გვჭირდება” ან გვსურს ნატო-ს ქვეყნების დახმარება - არასდროს გვჭირდებოდა! მსგავსად, იაპონიის, ავსტრალიის ან სამხრეთ კორეის. რეალურად, როგორც ამერიკის შეერთებული შტატების, მსოფლიოში ყველაზე ძლიერი ქვეყნის, პრეზიდენტი ვიტყვი, რომ არავის დახმარება არ გვჭირდება!” - წერს ტრამპი.
