ტურიზმის ეროვნული სააგენტოს მოწვევითა და ორგანიზებით საქართველოში გერმანიის წამყვანი ტელეარხის RTL -ის გადამღები ჯგუფი ჩამოვიდა.
მოგზაურობის ფარგლებში ჟურნალისტები მოინახულებენ სვანეთს, გუდაურს, ბაკურიანს, თბილისს.
პრესტურის შედეგად მომზადდება 12 წუთიანი სატელევიზიო ფილმი, რომელიც გავა ზემოთაღნიშნულ ტელეარხზე.
აღნიშნული ფილმი დამონტაჟების შემდეგ (6 წუთიანი მონტაჟით) გადმოეცემა საქართველოს ტურიზმის ეროვნულ სააგენტოს. შესაბამისად, სააგენტოს მიენიჭება მისი გამოყენების უფლება ინტერნეტ სივრცისა და ტელევიზიის მეშვეობით (საქართველოს ფარგლებში), ასევე საერთაშორისო გამოფენა-ბაზრობებზე.
პრესტურის განხორციელება მიზნად ისახავს საქართველოს პოპულარიზაციას, როგორც გერმანიის, ასევე დასავლეთ და აღმოსავლეთ ევროპის ქვეყნებში.