აშშ-მა რუსული ნავთობის შეძენაზე სანქციები 11 აპრილამდე მოხსნა. ამის შესახებ აშშ-ის სახაზინო მდივანმა, სკოტ ბესენტმა განაცხადა.
„არსებული ნავთობის გლობალური მიწოდების გაზრდის მიზნით, აშშ-ის ხაზინის დეპარტამენტი ქვეყნებს დროებით ნებართვას აძლევს შეიძინონ რუსული ნავთობი, რომელიც ამჟამად ზღვაშია ჩარჩენილი.
აშშ-ის სახაზინო მდივანმა აღნიშნა, რომ ქვეყნებს მისცეს უფლება, შეიძინონ სანქცირებული რუსული ნავთობი და ნავთობპროდუქტები, რომლებიც ამჟამად გემებზეა დატვირთული
ეს შეზღუდული, მოკლევადიანი ღონისძიება მხოლოდ იმ ნავთობზე ვრცელდება, რომელიც უკვე ტრანზიტშია და რუსეთის მთავრობას მნიშვნელოვან ფინანსურ სარგებელს არ მოუტანს,“ - განაცხადა ბესენტმა.
ლიცენზიის თანახმად, აშშ-ის ხაზინის დეპარტამენტი 12 მარტიდან გემებზე დატვირთული რუსული ნავთობისა და ნავთობპროდუქტების მიწოდებასა და გაყიდვას ადასტურებს.
ლიცენზია ძალაში იქნება 11 აპრილის, ვაშინგტონის დროით შუაღამემდე.
