უკრაინის პრეზიდენტი ვოლოდიმირ ზელენსკი იმედოვნებს, რომ შეერთებული შტატები ომის დასრულებაში დაეხმარება, თუმცა ამისათვის მეტი ზეწოლა რუსეთის ფედერაციაზე უნდა განხორციელდეს და არა მასზე. ამის შესახებ ზელენსკიმ Politico-თან ილაპარაკა.
ზელენსკიმ აღნიშნა, რომ უკრაინა მხარს უჭერს მოლაპარაკებებს და აშშ-ის პრეზიდენტ დონალდ ტრამპის გავლენა გადამწყვეტია. მან ასევე აღნიშნა, რომ შეერთებულმა შტატებმა ზეწოლა რუსეთზე უნდა გაამახვილოს.
ცოტა ხნის წინ ტრამპმა ზელენსკის მიმართ კვლავ გამოთქვა იმედგაცრუება და განაცხადა, რომ უკრაინის პრეზიდენტმა, ვოლოდიმირ ზელენსკიმ, დროა იმოქმედოს და უზრუნველყოს შეთანხმების მიღწევა.
„ჩვენ არ ვენდობით რუსეთს, მაგრამ მე ვფიქრობ და მჯერა, რომ ამერიკელებს ნამდვილად სურთ ამ ომის დასრულება. იმედი მაქვს, რომ ისინი დაგვეხმარებიან, მაგრამ საჭიროა მეტი ზეწოლა რუსეთზე და არა ჩემზე“, - განაცხადა უკრაინის პრეზიდენტმა.
ზელენსკის განცხადებით, იმის მიუხედავად, დეკემბერში ტრამპის წარმომადგენლებთან გამართულმა მოლაპარაკებებმა აჩვენა, რომ აშშ მზად იყო უკრაინისთვის მიეცა უსაფრთხოების გარანტიის გარკვეული ფორმა, რაც ნებისმიერი სამშვიდობო შეთანხმების საფუძველს შეადგენდა, თუმცა, ჯერ კიდევ არ არსებობს დეტალები იმის შესახებ, თუ როგორი იქნება ეს დაპირებები.
„მოდით, ვიყოთ გულახდილები. ეს ჩვენთვის ძალიან მნიშვნელოვანია, მაგრამ ჩვენ არ გვაქვს მკაფიო პასუხი“, - აღნიშნა უკრაინის პრეზიდენტმა.
„პრეზიდენტმა ტრამპმა მკითხა: „გჯერათ, რომ ჩვენი უსაფრთხოების გარანტიები შეიძლება უფრო ძლიერი იყოს, ვიდრე ნატო-სი?“ მე ვუპასუხე: „დიახ, დღეს ეს თქვენზეა დამოკიდებული. ეს თქვენზეა დამოკიდებული, ბატონო პრეზიდენტო. ღმერთმა დაგლოცოთ, თუ ნატო-ზე უფრო ძლიერ უსაფრთხოების გარანტიებს მივიღებთ. მაგრამ რა მოხდება თქვენს შემდეგ? და რა მოხდება ჩემს შემდეგ?“ - თქვა ზელენსკიმ.
ზელენსკიმ აღნიშნა, რომ უსაფრთხოების გარანტიებს ეროვნული პარლამენტებისა და აშშ-ის კონგრესის დამტკიცება დასჭირდება, რათა მომავალმა ადმინისტრაციებმა მასზე უარის თქმა ვერ შეძლონ.
