სპარსეთის ყურის სახელმწიფოებმა განაცხადეს, რომ ოთხშაბათს გამთენიისას (ადგილობრივი დროით) ირანული დრონებისა და რაკეტების ახალი ტალღა ჩაჭრეს. იუწყება CNN
არაბთა გაერთიანებულმა საამიროებმა მოსახლეობას უსაფრთხო ადგილებში დარჩენისკენ მოუწოდა, ხოლო არაბთა გაერთიანებული საამიროების თავდაცვის სამინისტრომ განაცხადა, რომ საჰაერო თავდაცვა „ირანიდან მომდინარე რაკეტებისა და დრონების მუქარაზე რეაგირებს“.
ბოლო საათებში საუდის არაბეთმა განაცხადა, რომ მან Prince Sultan-ის ავიაბაზისკენ მიმართული ექვსი ბალისტიკური რაკეტა ჩაჭრა.
თავდაცვის სამინისტრომ ასევე განაცხადა, რომ ქვეყნის აღმოსავლეთ ნაწილში რამდენიმე დრონი ჩაჭრა.
სამინისტრომ მანამდე გაავრცელა ინფორმაცია Shaybah-ს ნავთობის საბადოსკენ გაშვებული ბალისტიკური რაკეტის ჩაჭრის შესახებ.
გარდა ამისა, დღეს დილით ბაჰრეინში განგაშის სირენები ჩაირთო, რის შემდეგაც შინაგან საქმეთა სამინისტრომ მოსახლეობას უახლოეს უსაფრთხო ადგილას გადასვლისკენ მოუწოდა.
მანამდე, ირანის სამხედრო ძალებმა განაცხადეს, რომ ახორციელებდნენ „მრავალშრიან და ხანგრძლივ თავდასხმებს ამერიკულ ბაზებსა და (ისრაელზე)“.
