სადაზღვევო კომპანია "ჯიპიაი ჰოლდინგმა" 70-საწოლიანი საავადმყოფოს პროექტი წარადგინა, რომლის მშენებლობა ქალაქ გურჯაანში მიმდინარეობს. პროექტი სახელმწიფო ჰოსპიტალური რეფორმის ფარგლებში ხორციელდება. თანამედროვე ტიპის მრავალფუნქციური სამედიცინო დაწესებულება რეგიონის მოსახლეობას მაღალი ხარისხის სამედიცინო მომსახურებას გაუწევს.
გურჯაანში 70-საწოლიანი საავადმყოფოს დაპრეოქტებასა და მშენებლობას თურქული კომპანია "Uმუტ Iნსაატ" ახორციელებს. იგი თურქულ ბაზარზე ერთ-ერთი წამყვანი სამშენებლო და არქიტექტურული კომპანიაა, განხორციელებული აქვს რამდენიმე უმსხვილესი სამედიცინო პროექტი, მათ შორის აჩიბადემის ცნობილი საავადმყოფოს პროექტი ქ. ესქიშეჰირში.
სადაზღვევო კომპანია "ჯიპიაი ჰოლდინგი" 2006 წლიდან აქტიურად არის ჩაბმული სოციალური დაზღვევის პროექტებში. დღეს კომპანიის ჯანმრთელობის დაზღვევის პოლისით 200,000-მდე ადამიანი სარგებლობს. მხოლოდ სოციალური დაზღვევის მიმართულებით ოთხი წლის განმავლობაში 50 მლნ ლარია ანაზღაურებული.
საქართველოს მასშტაბით "ჯიპიაი ჰოლდინგი" 10 საავადმყოფოს აშენებს, რომელიც 225 საწოლს მოემსახურება. მშენებლობისა და რეკონსტრუქიის პროცესი ყველა ობიექტზე სრული დატვირთვით მიმდინარეობს.
