"საქართველოში სიტუაცია კვლავ უარესდება" - ასე ეხმიანება ესტონეთის საგარეო საქმეთა სამინისტრო საქართველოს პარლამენტის მიერ მიღებულ საკანონმდებლო ცვლილებათა პაკეტს, რომელიც გრანტებთან და პოლიტიკურ აქტივობასთან დაკავშირებით კანონის გამკაცრებას ითვალისწინებს.
უწყების განცხადებით, მსგავსი ზომები შეუთავსებელია დემოკრატიულ პრინციპებთან და საქართველოს საერთაშორისო ადამიანის უფლებების ვალდებულებებთან.
"საქართველოში სიტუაცია კვლავ უარესდება. ახლად მიღებული კანონმდებლობა მკაცრად შეზღუდავს დამოუკიდებელი ორგანიზაციების უცხოურ დაფინანსებას, კრიმინალიზაციას უკეთებს ძირითად სამოქალაქო აქტივობებს და პოლიტიკურ ჩართულობას ფართო სახელმწიფო კონტროლის ქვეშ მოაქცევს.
ასეთი ზომები შეუთავსებელია დემოკრატიულ პრინციპებთან და საქართველოს საერთაშორისო ადამიანის უფლებების ვალდებულებებთან და ქვეყნის ევროკავშირის გზიდან კიდევ უფრო დაშორების საფრთხეს ქმნის," - წერია განცხადებაში.
