საქართველოს ენერგეტიკის მინისტრმა ალექსანდრე ხეთაგურმა რუმინეთის დედაქალაქ ბუქარესტში გამართულ მინისტერიალში მიიღო მონაწილეობა.
მინისტერიალზე განიხილული იქნა რამდენიმე მნიშვნელოვანი საკითხი გათხევადებული გაზის პროექტის "AGRI"-ის განხორციელებასთან დაკავშირებით.
მინისტერიალს ესწრებოდნენ პროექტის მონაწილე ქვეყნების მინისტრები, კერძოდ რუმინეთის ეკონომიკის, ვაჭრობისა და ბიზნეს გარემოს მინისტრი იონ არიტონი, აზერბაიჯანის რესპუბლიკის ინდუსტრიისა და ენერგეტიკის მინისტრი ნატიკ ალიევი. ასევე, უნგრეთის ეროვნული განვითარების მინისტრი თამას ფელიგი.
მინისტერიალზე ხელი მოეწერა მნიშვნელოვან დოკუმენტს "ერთობლივი დეკლარაცია "AGRI"-ის პროექტთან დაკავშირებით" (Joint Declaration on AGRI Project), რითაც უნგრული კომპანია " MVM" მიღებული იქნება AGRI-ის გათხევადებული გაზის პროექტის განამახორციელებელი კომპანიის შემადგენლობაში. ამასთანავე განისაზღვრა შემდგომი ნაბიჯები პროექტის ტექნიკურ-ეკონომიკური დასკვნის მომზადებასთან და შესაბამისი ევროპული დაფინანსების წყაროების მოზიდვასთან დაკავშირებით.
უნდა აღინიშნოს, რომ დღევანდელი შეხვედრა და პროექტში კიდევ ერთი ევროპული ქვეყნის ჩართვა ხაზს უსვამს "AGRI"-ის პროექტს, როგორც ე.წ. "სამხრეთის ენერგეტიკურლი დერეფნის" მნიშვნელოვან კომპონენტს, მომავალში ევროპის ენერგეტიკული უსაფრთხოების გაზრდის და კასპიის რეგიონიდან ბუნებრივი აირით მომარაგების ერთ-ერთი დამოუკიდებელ წყაროს.
მასალის გამოყენების პირობები