ნატო-ს გენერალურმა მდივანმა მარკ რუტემ ირანი უკრაინის წინააღმდეგ რუსეთის ომის ხელშეწყობის ერთ-ერთ „მთავარ ფაქტორად“ მოიხსენია და განაცხადა, რომ ისრაელისა და აშშ-ის ზეწოლა შეასუსტებს ირანის შესაძლებლობებს, უკრაინასთან დაკავშირებით. ამის შესახებ რუტემ Newsmax-თან ინტერვიუში განაცხადა.
„ირანი იყო ერთ-ერთი მთავარი ფაქტორი, რომელმაც წვლილი შეიტანა რუსეთის ომში უკრაინის წინააღმდეგ, ამ გამანადგურებელი იარაღით, ამ დრონებით. ის ფაქტი, რომ ირანი ახლა ისრაელისა და აშშ-ს მხრიდან სრულ ზეწოლას განიცდის, ასევე გააუარესებს მის შესაძლებლობას, ქაოსიდ ექსპორტირება რუსეთში და შესაბამისად, უკრაინაშიც მოახდინოს.“
რუტემ აღნიშნა, რომ უკრაინის არმიის მიერ დრონების გამოყენების გამოცდილება ახლა „ხელმისაწვდომია ნატო-ს პარტნიორებისთვის“ ახლო აღმოსავლეთში.
„...ჩვენ ყველანი ერთად ვსწავლობთ უკრაინაში მიმდინარე მოვლენების მაგალითიდან. ბოლო ოთხი წლის განმავლობაში, ჩვენ ვნახეთ, როგორ შეიძინა უკრაინამ ცოდნა დრონებისა და დრონების საწინააღმდეგო ტექნოლოგიების შესახებ, ტექნოლოგიების, რომლებიც ახლა არსებითად ხელმისაწვდომია ჩვენი მეგობრებისა და პარტნიორებისთვის ახლო აღმოსავლეთში. მე ამას დადებით მოვლენად მივიჩნევ,“ - განაცხადა რუტემ.
