აშშ-ის სენატმა მხარი არ დაუჭირა რეზოლუციის პროექტს, რომლის თანახმადაც, პრეზიდენტ დონალდ ტრამპს მომავალში, ირანის წინააღმდეგ სამხედრო მოქმედებების დასაწყებად კონგრესის თანხმობა დასჭირდება.
პროცედურული კენჭისყრისას, რომელიც 4 მარტს ჩატარდა, დემოკრატი სენატორის, ტიმ კეინის მიერ წარდგენილი რეზოლუციის პროექტის განხილვას მხარი დაუჭირა 47-მა სენატორმა. წინააღმდეგი იყო 53.
სენატორი ფეტერმანი ერთადერი დემოკრატი იყო, რომელიც რესპუბლიკელების უარს შეუერთდა, ხოლო სენატორი პოლი ერთადერთი რესპუნლიკელი, რომელმაც დემოკრატებთან ერთად ხმა მისცა რეზოლუციის პროექტის განხილვას.
აშშ-ის კონგრესის ზედა პალატაში, სენატში უმრავლესობას რესპუბლიკელები ფლობენ. რეზოლუციის პროექტის განხილვას ხმათა უმრავლესობით მხარდაჭერა სჭირდება.
როგორც CNN იუწყება, რეზოლუციას, დამტკიცების შემთხვევაშიც, წინ რთული ბრძოლა ელოდა, რადგან წარმომადგენელთა პალატაში გადასასვლელად მას სენატში შესწორების შეტანის სრული პროცესის გავლა და შემდეგ, სავარაუდოდ, პრეზიდენტის ვეტოს დაძლევა მოუწევდა, რისთვისაც კონგრესმენების ხმების ორი მესამედია საჭირო.
