გერმანიის კანცლერმა ფრიდრიხ მერცმა მხარდაჭერა გამოუცხადა ისრაელისა და შეერთებული შტატების ქმედებებს ირანის რეჟიმის წინააღმდეგ.
გერმანიის მთავრობა იზიარებს „ბევრი ირანელის შვებას, რომ მოლების რეჟიმი დასასრულს უახლოვდება“, - განაცხადა ფრიდრიხ მერცმა.
„ჩვენ, შეერთებულ შტატებთან და ისრაელთან ერთად, დაინტერესებულები ვართ ამ რეჟიმის ტერორის დასასრულით და ირანის საშიში ბირთვული და ბალისტიკური რაკეტების პროგრამის შეჩერებით. სამხედრო დარტყმებმა უნდა დაასრულოს „დასუსტებული რეჟიმის დესტრუქციული თამაში“.“, - განაცხადა მერცმა.
ამავდროულად, გერმანიის მთავრობის მეთაურმა აღნიშნა, რომ ეს თავდასხმები „რისკის გარეშე არ არის“. „ჩვენ არ ვიცით, რა ესკალაციას გამოიწვევს ირანის მკაცრი საპასუხო დარტყმები რეგიონში“, - განაცხადა მან.
მერცმა კვლავ მოუწოდა თეირანს, „დაუყოვნებლივ შეწყვიტოს ეს განურჩეველი თავდასხმები“.
როდესაც ირანზე საერთაშორისო სამართლის პერსპექტივიდან დარტყმების კანონიერების შესახებ ჰკითხეს, მერცმა განაცხადა: „გერმანია „დილემას“ ხედავს იმ ფაქტში, რომ ბოლო ათწლეულების განმავლობაში საერთაშორისო სამართლის ფარგლებში გადადგმული ვერცერთი ნაბიჯით ვერაფერს მივაღწიეთ თეირანის ხელმძღვანელობასთან დაკავშირებით“. გერმანიის კანცლერის თქმით, ახლა „ჩვენი პარტნიორებისა და მოკავშირეებისთვის ლექციების კითხვის დრო არ არის“.
