"ინტერ რაო ეესმა" ახლო აღმოსავლეთში, არაბეთის გაერთიანებულ საემიროების დედაქალაქში, აბუ-დაბიში საკუთარი წარმომადგენლობა გახნა. აღნიშნულის შეახებ ინფორმაციას "რია ნოვოსტი" ავრცელებს.
აბუ-დაბის წარმომადგენლობის ხელმძღვანელად, ხუსან აბადი დაინიშნა, რომელიც მანამდე "ინტერ რაო ეესის" თურქეთისა და ახლო აღმოსავეთის წარმომადგენლობაში, გაყიდვების დირექტორად მუშაობდა.
ამ დროისათვის ახლო აღმოსავლეთში "ინტერ რაო ეესი" რამდენიმე პროექტს ახორციელებს, მათ შორისაა იორდანიაში ქარის სადგურების მშენებლობა და ასევე "ალ-ხისვას" თბოელექტროსადგურების მოდერნიზაცია.
"ახლო აღმოსავლეთი "ინტერ რაოსთვის" ერთ-ერთი მნიშვნელოვანი პრიორიტეტული მიმართულებაა. ჩვენი სტრატეგია ამ რეგიონში უზრუნველყოფს ბიზნესის განვითარებას ისეთ სფეროებში, როგორიცაა ენერგეტიკული ობიექტების მშენებლობა და მოდერნიზაცია, ინჟინირება, საწვავის მოპოვება.
არაბეთის გაერთიანებული საემიროები რეგიონში, ერთ-ერთი ყველაზე მზარდი ეკონომიკურად განვითარებული ქვეყნაა და ჩვენ ვხედავთ დიდ შესაძლებლობებს რეგიონში ელექტროენერგიის სექტორის მჭიდრო თანამშრომლობისთვის"- განაცხადა, აბუ-დაბიში წარმომადგენლობის გახსნისას კომპანია "ინტერ რაო ეესის" ხელმძღვანელმა ბორის კოვალჩუკმა.
წარმომადგენლობის გახსნაზე ითქვა ისიც, რომ უახლოეს ხანებში კომპანია საქართველოს ენერგეტიკის სამინისტროსთან, პარალელური სისტემების შექმნაზე, ხელშეკრულებას გააფორმებს. "ინტერ რაოს" ხელმძღვანელი ამბობს, რომ კომპანია აქტიურად თანამშრომლობის საქართველოთან ჰიდროელექტრო სადგურის მშენებლობაზე, რომლის დადგმული სიმძლავრეც 100 მეგავატი იქნება. აღნიშნული პროექტის ღირებულება 150-190 მლნ. დოლარადაა შეფასებული.
შეგახსენებთ, რომ "ინტერ რაო" რუსული კომპანია, რომლიც აქტივებს ფლობს რუსეთში, საქართველოში, სომხეთში, ყაზახეთში, ფინეთში. კომპანიის სადგურების ჯამური სიმძლავრე 18 ათასი მგვტ-ია., ხოლო საწესდებო კაპიტალი 63,897 მლრდ. რუბლი, საიდანაც 57,3 %-ს მთავარი კორპორაცია "როსატომი" ფლობს