დამატებითი ინვესტიციების მოსაზიდად მოლდოვას აჭარის სამთავრობო დელეგაცია სტუმრობს. აჭარის მთავრობის პრესსამსახურის ინფორმაციით, მოლდოვეთის რესპუბლიკის ქალაქ კიშინოვში ქართული დელეგაცია აჭარის მთავრობის თავმჯდომარის, ლევან ვარშალომიძის ხელმძღვანელობით გაემგზავრა.
ლევან ვარშალომიძე უკვე შეხვდა "ეარ მოლდოვას" ხელმძღვანელს, რომელთანაც პირდაპირი ავიარეისების დანიშვნაზე ისაუბრა.
ვიზიტის მთავარი მიზანია, ხელი შეუწყოს უკვე არსებული თანამშრომლობის გაღრმავებასა და დამატებითი ინვესტიციების მოზიდვას აჭარის ავტონომიურ რესპუბლიკაში. ვიზიტის ფარგლებში აჭარის პირველი პირი მოლდოვეთის პრემიერ მინისტრს შეხვდა. ლევან ვარშალომიძესა და ვლადიმირ ფილატს შორის საუბარი ორმხრივი თანამშრომლობის გაღრმავებას შეეხო, როგორც ტურისტულ,ასევე აგრაურლ და სატრანსპორტო საკითხებში.
შეხვედრები გაიმართა მოლდოვეთის რესპუბლიკის ტურისტული სააგენტოს გენერალურ დირექტორთან ლუდმილა დუმიტრასთან და "ეარ მოლდოვას" გენერალურ დირექტორთან იულიან სკორპასთან. შეხვედრაზე გაიმართა პრეზენტაცია, რომლზეც წარმოდგენილი იყო აჭარისა და მოლდოვის ტურისტული პოტენციალი და უპირატესობები. შეხვედრები გამართა ასევ "ვიქტორია ბანკის" პრეზიდენტთანაც.
სამთავრობო დელეგაციამ ასევე მოინახულა მსოფლიოში ერთ-ერთი დიდი ღვინის სარდაფი "Milestii Mici", სადაც ფართო მასშტაბით წარმოდგნილია ევროპის საუკეთესო ღვინის კოლექცია.