საქართველოში შესაძლოა ყატარული ინვესტიციები ჩაიდოს.
როგორც დღეს გამართულ ტრადიციულ პრესკონფერენციაზე საგარეო საქმეთა მინისტრის მოადგილე ნინო კალანდაძემ განაცხადა, ყატარელი ბიზნესმენები საქართველოს ბიზნესკლიმატით არიან დაინტერესებულნი.
"შესაძლოა ყატარელმა ბიზნესმენებმა ენერგეტიკის სფეროში რამდენიმე პროექტი განახორციელოს. ძალიან საინტერესო ინვესტიციებზეა საუბარი. ყატარს მოსწონს ჩვენი საინვესტიციო კლიმატი და უკვე რამდენიმე წინადადებაც მოგვაწოდეს", - განმარტა კალანდაძემ.
მისივე თქმით, აღნიშნულ საკითხებზე მხარეები ყატარში, საქართველოს საგარეო საქმეთა სამინისტრო დელეგაციის ვიზიტის ფარგლებში იმსჯელებენ, რომელიც 20-21 თებერვალსაა ჩანიშნული.
დელეგაციას უწყების ხელმძღვანელი გრიგოლ ვაშაძე უხელმძღვანელებს. ოფიციალური ინფორმაციით, საინვესტიციო პროექტებზე შეთანხმების გარდა, მხარეები რამდენიმე "საერთაშორისო ხელშეკრულების" გაფორმებასაც გეგმავენ.
აღსანიშნავია, რომ ეს იქნება ყატარში საქართველოს საგარეო უწყების დელეგაციის პირველი ვიზიტი. მის ფარგლებში უკვე დაზუსტებული ინფორმაციით, შეხვედრა გაიმართება ყატარის ემირთან, შეიხ ჰამად ბინ ხალიფა ალისთან.
