ნავთობპროდუქტების სერტიფიკაციის ორგანო ,,მონიტორინგის" ინფორმაციით, კომპანია ,,სოკარ ჯორჯია პეტროლეუმის" მიერ აზერბაიჯანიდან იმპორტირებული ბენზინისა (რეგულარი) და დიზელის (ლ-62) საწვავის ხარისხობრივი შემოწმება და სერტიფიცირება გრძელდება. საწვავის სინჯების აღება და მისი ხარისხობრივი შემოწმება განხორციელდა უშუალოდ ავტოგასამართი სადგურებიდან.
უნდა აღინიშნოს, რომ ორივე პროდუქტი საქართველოში მოქმედ სტანდარტს აკმაყოფილებს. უფრო მეტიც, დიზელის საწვავის შემადგენლობაში გოგირდის მოცულობა გასულ წელთან შედარებით შემცირებულია და ზოგადად, მნიშვნელოვნადაა გაუმჯობესებული ხარისხობრივად.
მნიშვნელოვნადაა გაუმჯობესებული რეგულარის მარკის ბენზინის ოქტანური რიცხვი, რაც მისი განმსაზღვრელი ერთ-ერთი მნიშვნელოვანი პარამეტრია, და ის მერყეობს 93-93.5 ერთეულის ფარგლებში, მაშინ როცა სტანდარტით უნდა იყოს არანაკლებ 91 ერთეულისა.
გარდა ამისა, მოხდა საწვავის ჩასხმის სიზუსტის განსაზღვრა, თუ რამდენად ხორციელდება უშუალოდ ავტოგასამართ სადგურზე საწვავის ზუსტი ოდენობის ჩასხმა. უნდა აღინიშნოს, რომ კომპანია ,,სოკარ ჯორჯია პეტროლეუმის"ავტო გასამართ სადგურებზე დაფიქსირდა საწვავის 100%-იანი ჩასხმა.
