„თავისუფლების მოედნისა“ და „საქართველოს საზოგადოებრივი ასამბლეის“ ორგანიზებით, ფორუმი - „ახალი საზოგადოებრივი შეთანხმება საქართველოს გულისთვის“ მიმდინარეობს.
ფორუმის ძირითადი თემებია: “როგორი საქართველოა შენების ღირსი მომდევნო ორი–სამი ათწლეულის განმავლობაში, რა ბარიერებმა შეუშალა ხელი ამ ხედვის განხორციელებას დამოუკიდებლობის შემდეგ და რა როლი უნდა ჰქონდეს საქართველოს საერთაშორისო საზოგადოებაში.”
ორგანიზატორების განცხადებით, ფორუმი აერთიანებს სამოქალაქო ლიდერებსა და საზოგადოებრივ ფიგურებს საქართველოს გრძელვადიან მომავალზე მოდელირებული დისკუსიისთვის.
ფორუმს ესწრებიან პატიმრების ოჯახის წევრები, ყოფილი საჯარო მოხელეები, უწყვეტი აქციის მონაწილეები და სასულიერო პირები.
ფორუმის სპიკერებს შორის არიან ლევაბ ცუცქირიძე, ნინო დობორჯგინიძე, დატია ბადალაშვილი, ლევან ღამბაშიძე, ნინო კასრაძე, თოზუ გულმამედელი და ვაჟა გაფრინდაშვილი.
"იმ პირობით თუ დავუშვით, რომ ეს ხელისუფლება წავა, დადგება ის ნანატრი დრო, საქართველოს დრო, როცა საქართველო დაუბრუნდება განვითარების სწორ გზას, რა თქმა უნდა, ამაზე საუბარი უნდა დაიწყოს დღეს”, - განაცხადა მსახიობმა ნინო კასრაძემ " სიტყვით გამოსვლისას.
ფორუმის ორგანიზატორთა განმარტებით, ფორუმზე ისმჯელებენ სახელმწიფოს როლზე, მოქალაქისა და ხელისუფლების ურთიერთობაზე, ქვეყნის ღირებულებებსა და მსოფლიოში საქართველოს ადგილზე.
ფოტო: პუბლიკა
