ლიეტუვის საგარეო საქმეთა მინისტრმა კიასტუტის ბურდისმა განაცხადა, რომ რუსეთის ვლადიმირ პუტინი განცხადება ენერგეტიკული ზავის შესახებ ბლეფია და ამის ნაცვლად ზამთარს იარაღად იყენებს და უკრაინელების ტერორს აგრძელებს. ამის შესახებ მინისტრი Х-ზე წერს.
„სამშვიდობო მოლაპარაკებების მცდელობების და „ენერგეტიკული ზავთან“ დაკავშირებით პუტინის ბლეფის ფონზე რუსეთი აგრძელებს ზამთრის იარაღად გამოყენებას, უკრაინაზე მასიური ღამის თავდასხმებს და მიზანმიმართულად სამოქალაქო ენერგეტიკული ინფრასტრუქტურის დაბომბვას“, - განაცხადა ბუდრისმა.
მან დასძინა, რომ ტემპერატურის მკვეთრი ვარდნის დროს ადამიანების სიბნელეში გაყინვა ნამდვილი ტერორია.
„ენერგეტიკულ ინფრასტრუქტურაზე, მათ შორის ბირთვულ ობიექტებზე ეს სისტემატური დარტყმები საერთაშორისო სამართლის მიხედვით ომის დანაშაულს წარმოადგენს და მოჰყვეს რეალური პასუხისმგებლობა, მათ შორის სისხლის სამართლის საერთაშორისო სასამართლოში ქმედებებით არა მხოლოდ შეშფოთების გამომხატველი განცხადებები. ამ თავდასხმების ბრძანების მიმცემი და შემსრულებელი პირები სისხლის სამართლის პასუხისმგებლობის წინაშე უნდა დადგნენ“, - წერს მინისტრი.
მან დასძინა, რომ ლიეტუვამ ცოტა ხნის წინ უკრაინას 2.4 მილიონი ევროს ღირებულების გენერატორები გადასცა, რუსეთის თავდასხმების მასშტაბები კი ყველასგან ძალისხმევის შესაბამის ზრდას მოითხოვს.
„სიტყვები და თავშეკავების ილუზიები რუსეთს ვერ შეაჩერებს. მხოლოდ ძალა, სოლიდარობა და პასუხისმგებლობა აიძულებს მას, ეს აგრესიული ომი დაასრულოს“, - დასძინა ბუდრისმა.
