უკრაინის ენერგეტიკის მინისტრის, დენის შმიჰალის განცხადებით, 7 თებერვლის ღამეს რუსეთის თავდასხმის ქვეშ მოექცა ქვესადგურები და 750 კვ და 330 კვ ძაბვის ელექტროგადამცემი ხაზები.
გარდა ამისა, მისი თქმით, რუსებმა ასევე დაარტყეს ბურშტინისა და დობროტვირის თბოელექტროსადგურებს.
„ქვესადგურები და 750 კვ და 330 კვ ძაბვის საჰაერო ხაზები - უკრაინის ელექტროქსელის ხერხემალი - თავდასხმის ქვეშ მოექცა...
...ატომური ელექტროსადგურის ბლოკები პერსონალმა გადატვირთა. ამ დროისთვის, უკრაინის მასშტაბით 4.5–5 საგანგებო გათიშვის გრაფიკია ამოქმედებული, აღმოსავლეთ და ჩრდილოეთ რეგიონებში კი სპეციალური საგანგებო გათიშვის გრაფიკები მოქმედებს,“ - განაცხადა შმიჰალმა.
აფეთქებების ხმა ისმოდა როვნოში, ხარკოვში, კროპივნიცკში, ლვოვის ოლქსა და უკრაინის სხვა ქალაქებში. თავდასხმის გამო კიევსა და უკრაინის რამდენიმე რეგიონს ელექტროენერგია არ მიეწოდება.
„უკრენერგომ“ განაცხადა, რომ აღდგენითი სამუშაოები დაიწყება, როგორც კი უსაფრთხოების სიტუაცია ამის საშუალებას მისცემს.
