გერმანიის კანცლერმა ფრიდრიხ მერცმა განაცხადა, რომ ევროკავშირი ღიაა რუსეთთან მოლაპარაკებებისთვის ომის დასრულების მიზნით, თუმცა ასეთი კონტაქტები უნდა მოხდეს მხოლოდ შეთანხმებული მოლაპარაკების პროცესის ფარგლებში - ცალკეული „პარალელური“ კომუნიკაციების გარეშე.
ამის შესახებ Reuters იუწყება.
აბუ დაბიში, სადაც მერცი ახლო აღმოსავლეთის ტურნეს ფარგლებში ჩავიდა, პრესასთან საუბრისას კანცლერმა მოსკოვთან დიალოგისთვის მზადყოფნაზე ისაუბრა.
თუმცა, გერმანიის მთავრობის მეთაურის თქმით, ასეთი კონტაქტები არ უნდა ეწინააღმდეგებოდეს აბუ დაბიში ბოლო დროს გააქტიურებულ ძირითად მოლაპარაკებების პროცესს.
„ჩვენ, რა თქმა უნდა, ყოველთვის მზად ვართ რუსეთთან მოლაპარაკებებისთვის. ამჟამად აბუ დაბიში კოორდინირებული მოლაპარაკებები მიმდინარეობს და თუ ჩვენ შევძლებთ ხელი შევუწყოთ ამ მოლაპარაკებების კიდევ უფრო გაუმჯობესებას, კიდევ უფრო წარმატებას, მაშინ ჩვენ ამას გავაკეთებთ. მაგრამ ჩვენ არ გავხსნით კომუნიკაციის არანაირ პარალელურ არხებს“, - უპასუხა მერცმა.
