შეძლებენ თუ არა უკრაინა და რუსეთი ტერიტორიულ საკითხზე შეთანხმების მიღწევას, უახლოეს კვირებში გაირკვევა.
ამის შესახებ ნატო-ში აშშ-ის ელჩმა მეთიუ უიტაკერმა X-ზე განაცხადა.
მან კიდევ ერთხელ გაიმეორა, რომ უკრაინასა და რუსეთის ფედერაციას შორის ყველა წინააღმდეგობა ტერიტორიის საკითხზე დაიყვანება.
თუმცა, უახლოეს კვირებში გახდება ცნობილი, შეძლებს თუ არა ორი ქვეყანა შეთანხმების მიღწევას.
უიტეკერმა დასძინა, რომ რუსეთი აგრძელებს ომს და ყოველდღიურად „ათასობით ჯარისკაცს“ კარგავს.
„მე ვნახე საჯაროდ ხელმისაწვდომი ანგარიში, რომელშიც ნათქვამია, რომ ომის დაწყებიდან ორივე მხარის ჯამური დანაკარგები 2 მილიონ ადამიანს შეადგენს. ეს კატასტროფულია“, - თქვა მან.
უკრაინაში ომის დასრულების შესახებ მოლაპარაკებების შემდეგი რაუნდი 1 თებერვალს აბუ დაბიში არის დაგეგმილი.
