პრეზიდენტ მიხეილ სააკაშვილის განცხადებით, საქართველოს გრძელვადიანი განვითარების პირველი გეგმა 2015 წლისთვის დასრულდება.
"სხვადასხვა საკითხზე საუბრისას არაერთხელ დავასახელე 2015 წელი. ჩვენ ვმოქმედებთ საქართველოს განვითარების გრძელვადიანი გეგმის მიხედვით, რომელიც არ ერგება მხოლოდ საარჩევნო ვადებს და ცალკეული პიროვნებების პოლიტიკურ კარიერას. კურსი აუცილებლად გაგრძელდება", - განაცხადა პარლამენტში წლიური მოხსენებით გამოსვლისას საქართველოს პრეზიდენტმა და განმარტა, რომ ყველა პროქტის განხორციელება, რომელიც საქართველოს განვითარების გრძელვადიან გეგმაში შედის, 2012-2013 წლებში დაიწყება.
"2015 წელი იქნება ამ გეგმის პირველი შედეგების შეჯამების წელიწადი", - დასძინა სააკაშვილმა, რომლის თქმითაც, აღნიშნული გეგმა უფუძნება საქართველოს შესაძლებლობებს, რეფორმათა მიმდინარეობის არსებულ დინამიკას, ადამიანურ და მატერიალურ რესურსებს.
