"პროგრამაში დარეგისტრირდა 15 300 ფერმერი. მოვუწოდებთ ყველას, შემოვიდეს ამ პროგრამაში. ეს არ არის მხოლოდ მათი ოჯახების გადარჩენისთვის. ეს არის ის, რომ ადამიანი მუშაობს საკუთარ თავზე და გამოკვებოს საკუთარი ოჯახი და მოამარაგოს დანარჩენი საქართველო. ამ პროგრამების მასშტაბურად განხორციელების შემთხვევაში, ჩვენ გავხდებით სიმინდის ექსპორტიორი ქვეყანა, ხოლო 2013 წლისთვის 35 პროცენტით გავზრდით ხორბლის ადგილობრივ წარმოებას, რაც დამატებით შემოსავალს მოუტანს წარმოებას", - განაცხადა სააკაშვილმა საქართველოს პარლამენტის წინაშე წლიური საანგარიშო მოხსენებით გამოსვლისას.

სააკაშვილის თქმით, 5 წლის წინ ქართული სოფლის მეურნეობა იყო მთლიანად განადგურებული, თუმცა ამის შემდეგ გარკვეული პროგრესი მოხდა.
M
"მას შემდეგ გარკვეული პროგრესი განვიცადეთ. განსკაუთრებით მაჟორიტარმა დეპუტატებმა ეს კარგად იციან. დღეს ჩვენ გვაქვს უკეთესი ირიგაცია და გავედით საბჭოთა კავშირის დროს ფორმალურად არსებული ირიგაციის დონეზე და გვაკლია ჩვენ 2-3 ათასი ტრაქტორი, რომ გადაიფაროს მოთხოვნები. მაგრამ გვაქვს 7-ჯერ მეტი, ვიდრე გვქონდა 5-6 წლის წინ. არა მხოლოდ მექანიზაციის კუთხით წავიწიეთ წინ, არამედ პირველი სოფლის მეურნეობის პროდუქტები გაჩნდა და ადგილობრივი წარმოება უფრო კონკურენტუნარიანი გახდა. წვენების ჩამოსხმასა და საკონსერვო წარმოებაში ბევრი პროდუქტი გვხვდება უკვე დახლებზე. ჯერ კიდევ უკან ვართ იმ პოტენციალთან შედარებით, რომელიც გვაქვს. სოფლის მეურნეობის ახალი წარმოების გახსნის დინამიკა ძალიან ნელია", - განაცხადა სააკაშვილმა.