ესპანეთი "მშვიდობის საბჭოში" მონაწილეობას არ მიიღებს. ამის შესახებ ესპანეთის პრემიერ-მინისტრმა პედრო სანჩესმა განაცხადა.
„ჩვენ ვაფასებთ მიწვევას, მაგრამ უარს ვამბობთ აშშ-ის ადმინისტრაციის მიერ შემოთავაზებულ შეხვედრაში მონაწილეობაზე. ჩვენ ამას, პირველ რიგში, პალესტინელების მომავალზე საუბრისას ესპანეთის მთავრობის მიერ გატარებულ პოლიტიკასთან შეუსაბამობის გამო ვაკეთებთ. ამგვარად, ჩვენ ვმოქმედებთ მრავალმხრივი წესრიგის, გაერო-ს სისტემისა და საერთაშორისო სამართლის წინაშე ჩვენი ვალდებულებების შესაბამისად და შესაძლოა, მათი დარღვევითაც. აშკარაა, რომ ეს „საბჭო“ გაერო-ს ჩარჩოებს სცილდება და, სხვათა შორის, არ მოიცავს ღაზის მომავალს. არ დაგვავიწყდეს, რომ ღაზას და ასევე დასავლეთ სანაპიროს მომავალი, მთლიანად პალესტინის მომავალი პალესტინელებმა უნდა გადაწყვიტონ და ისრაელთან მათი მშვიდობიანი და უსაფრთხო თანაარსებობის მომავალი ასევე ისრაელმა და პალესტინამ უნდა გადაწყვიტონ დიალოგის პროცესში, რომელიც ახორციელებს ორი სახელმწიფოს გადაწყვეტას, იძლევა ჰუმანიტარული დახმარების შეღწევის საშუალებას და, რა თქმა უნდა, უზრუნველყოფს მშვიდობას“, - თქვა სანჩესმა.
ჯერჯერობით, 19 ქვეყნიდან, რომლებიც დათანხმდნენ „საბჭოში“ გაწევრიანებაზე, ევროპას მხოლოდ უნგრეთის პრემიერ-მინისტრი ორბანი წარმოადგენს.
