სოფლის მეურნეობის მინისტრი ბაკურ კვეზერელი მომავალში შაქრის ფასთან დაკავშირებით წინასაწარ პროგნოზს ვერ აკეთებს. მინისტრის თქმით, მსოფლიო ბაზარზე შაქრის ფასი მნიშვნელოვნად გაიზარდა, რამაც ადგილობრივ ბაზარზედაც პოვა ასახვა.
"2011 წლის იანვრიდან შაქრის ფასი თითქმის 90 პროცენტით გაძვირდა და მისი ფასი დღეს 2,5 ლარს აღემატება, რაც საკმაოდ მაღალი ფასია. თუმცა დამამშვიდებელ პროგნოზს ვერ გავაკეთებ, რადგანაც, როგორც იცით, ავსტრალიაში დატრიალებული მოვლენების გამო შაქრის ჭარხლის მოსავალი განადგურდა, ამან კი ბაზარზე შაქრის ნედლეულის დეფიციტი გამოიწვია", - განაცხადა კვეზერელმა.
