სოფლის მეურნეობის მინისტრი ბაკურ კვეზერელი ხორბლის მარაგის მოცულობას აკონკრეტებს. როგორც მან პარლამენტში, აგრარული კომიტეტის სხდომაზე განაცხადა, საქართველოს ხორბლის 119 ათასი ტონის მარაგი აქვს, რასაც კვეზერელი ისტორიულ მოვლენას უწოდებს და განმარტავს, რომ ქვეყანას ასეთი დიდი მოცულობით ხორბლის მარაგი არასდროს ჰქონია.
მინისტრის თქმით, მსოფლიო ბაზარზე ხორბალზე ფასები იზრდება, რაც თავისთავად ასახვას პოვებს ადგილობირივ ბაზრზედაც. კვეზერელი აცხადებს, რომ 1-ლი იანვრიდან 1 ტონა ხორბლის ფასმა 30 დოლარით მოიმატა.
