დღეს, 20:00 საათზე, ბოულინგცენტრალში საკლუბო ბარათების Cool Card პრეზენტაცია გაიმართება. "ქულქარდი" კლუბის წევრების დაგროვებითი ბარათია, რომელიც ბოულინგცენტრალის ხშირ სტუმრებს გადაეცემათ სხვა და სხვა შეღავათებითა და ბონუსებით სარგებლობისთვის.
ბოულინგცენტრალში კლუბის შექმნის იდეა უპირველეს ყოვლისა ბოულინგის პოპულარიზაციას ემსახურება. ამასთანავე ის ხელს უწყობს ჯანსაღი ცხოვრების წესის დამკვიდრებას და კლუბური სიტუაციის მოყვარულ ადამიანთა ურთიერთდაახლოებას.
საკლუბო ბარათი მის მფლობელს ერთის მხრივ, ბარის მოსახურებაზე 10%, ბოულინგზე 20% და ბილიარდზე - 30 %-იან ფასდაკლებას ანიჭებს და მეორეს მხრივ, გადახდილი თანხის სანაცვლოდ ქულების დაგროვების საშუალებას აძლევს, რაც დამატებით პრივილეგიებს გულისხმობს.
დასახელება "ქულქარდი" თავის თავში აერთიანებს როგორც სიახლეების შეთავაზებას, ასევე ქულებით სარგებლობის პრიორიტეტს.
პრეზენტაციაზე მოწვეულია ბოულინგცენტრალის პარტნიორი კომპანიები, ცნობადი სახეები და ბოულინგცენტრალის გამორჩეული სტუმრები. მათ საშუალება ექნებათ დააგემოვნონ შოტლანდიური ვისკი "დიუარსი", ჩაი "იულიუს მეინ", მონაწილეობა მიიღონ გათამაშებაში, ბოულინგის შეჯიბრში და მიირთვან ლუდი "ბითბურგერი". საღამოს დასასრულს წარმოდგენილი იქნება ბარმენშოუ და საზეიმოდ გაიჭრება სადღესასწაულო ტორტი.
შეგახსენებთ, რომ ბოულინგცენტრალი დაახლოებით 4 თვის წინ გაიხსნა სავაჭრო ცენტრ "თბილისი ცენტრალში". მუშაობს 24 საათიან რეჟიმში. 1 საათი ბოულინგზე თამაში 22 ლარი ღირს საღამოს 8 საათამდე, შემდეგ კი - 44 ლარი. ბოულინგით გართობის გარდა საოჯახო გასართობ ცენტრში რუსული ბილიარდის, პულის და სნუკერის თამაშიც შესაძლებელია. მომსახურებაში ასევე შედის კორპორატიული წვეულებების, დაბადების დღეებისა და სპორტული ღონისძიებების ორგანიზება.