რატომ არ გამოაცხადეს ძებნა აქამდე ფარცხალაძეზე? მის წინააღმდეგ მხოლოდ კანონიერი ქურდების მოთხოვნით აღიძრა საქმე. ამას ვამბობდი ზუსტად,- ამის შესახებ „ნაციონალური მოძრაობის“ ერთ-ერთი ლიდერი ხატია დეკანოიძე სოციალურ ქსელში წერს, რითაც შეაფასა ფაქტი, რომ ჯანგველაძის მკვლელობის საქმეზე ოთარ ფარცხალაძეს ბრალი წარედგინება.

როგორც დეკანოიძე წერს, ბიძინა ივანიშვილმა საქართველოში კანონიერი ქურდების ფართომასშტაბიანი ინფილტრაცია დააბრუნა.

“ივანიშვილი არის კრიმინალური მენტალიტეტის ადამიანი.

მისი ბანდიტური მმართველობის სტილი არის კრიმინალური. მან საქართველოში კანონიერი ქურდების ფართომასშტაბიანი ინფილტრაცია დააბრუნა.

რატომ არ გამოაცხადეს ძებნა აქამდე ფარცხალაძე?

მის წინააღმდეგ მხოლოდ კანონიერი ქურდების მოთხოვნით აღიძრა საქმე. ამას ვამბობდი ზუსტად“, - წერს ხატია დეკანოიძე.

მისი თქმით, ჯერ კიდევ 2013 წელს  არსებობდა კითხვები ფარცხალაძესთან, რომელსაც რეჟიმი სულ ეფარებოდა და რომელზეც პასუხი არ გაუციათ.

"ვისაც ჰგონია, რომ ბრძოლა მხოლოდ ცოტა ხნის წინ წლის წინ დაიწყო.

ჯერ კიდევ 2013 წლის კითხვები ფარცხალაძესთან, რომელსაც რეჟიმი სულ ეფარებოდა და რომელზეც პასუხი არ გაუციათ:

(2013 წლის ნაცმოძრაობის ერთ-ერთი ბრიფინგიდან ამონარიდია. იმის შემდეგ კიდევ ბევრი დაგროვდა).

1. ვანო მერაბიშვილის განცხადებასთან დაკავშირებით, რომლითაც მან ბრალი დასდო მთავარ პროკურორს ოთარ ფარცხალაძეს, რომ მისი დავალებით ივანე მერაბიშვილი ღამით ფარულად გაიტაცეს საკნიდან და თავზე ჩამოფარებული მიიყვანეს მთავარ პროკურორთან, სადაც ამ უკანასკნელის მხრიდან ადგილი ჰქონდა ზეწოლის ფაქტებს. სამწუხაროდ პროკურატურას ამ საქმესთან დაკავშირებით არანაირი რეაგირება არ ჰქონია, თუმცა სხვა შემთხვევებში საპირისპიროდ ხდება ხოლმე;

2. დიპლომთან, გერმანიაში მის ნასამართლეობასთან, ასევე მედიაში გაჟღერებულ ჯიქიას ქუჩაზე 140 000 დოლარად შეფასებულ ბინის შეძენასთან დაკავშირებით;

4. შინაგან საქმეთა მინისტრის ყოფილი მოადგილის გიორგი ლორთქიფანიძის სახლთან ასაფეთქებელი ნივთიერების აღმოჩენის ფაქტთან დაკავშირებით;

6. თენგიზ გუნავასთვის იარაღის ჩადების ფაქტთან დაკავშირებით დამნაშავეების დასჯა;

7. მოსამართლის თანაშემწე ია ბარამიძეზე ზეწოლისა და შანტაჟის ფაქტთან დაკავშირებით;

9. გეგუთის ციხეში ლევან კორტავას მკვლელობის ფაქტთან დაკავშირებით. როგორც ცნობილია, ამ საქმეში მოწმეს - ციხის უფროსს მალხაზ სინაურიძეს ხელი შეუწყვეს, რომ საქართველოდან წასულიყო;

10. ბარბარე რაფალიანცის საქმესთან დაკავშირებით;

11. ბაჩო ახალაიას საკანში უკანონო ვიდეო და აუდიო გადაღებასთან დაკავშირებით.

2913 წელს ბევრა იცოდა ვინ იყო ფარცხალაძე. ბევრი არ იმჩნევდა", - წერს დეკანოიძე.

შსს-ის ინფორმაციით, ყოფილ მთავარ პროკურორს ოთარ ფარცხალაძეს ლევან ჯანგველაძის მკვლელობის საქმეზე ბრალი წარედგინება. აღნიშნულის შესახებ შინაგან საქმეთა მინისტრის მოადგილემ ალექსანდრე დარახველიძემ ბრიფინგზე ისაუბრა და განმარტა, რომ ჯანგველაძის მკვლელობის საქმე სრულად გახსნილია.

მისი თქმით, ფარცხალაძეს პროკურატურის შესაბამისი დადგენილების მიხედვით, ბრალად ედება ის, რომ „|ჩაიდინა ლევან ჯანგველაძის შეკვეთით და ანგარებით განზრახ მკვლელობის ორგანიზება“ და მისი მიმართ ძებნა გამოცხადდება.